Eretria iyo Dagaalka Waqooyi.
Asmara(CS)- Mareykanka ayaa sheegay inuu rumeysan ahay in Ciidamada Milatariga ee Eratariya ay ka gudbeen Xuduudka si ay u Taageeraan Ciidamada Milatariga Itoobiya ee Dagaalka kula jirey Ciidamada Kooxda TPLF.
Dublomaasiyiin iyo Ilo Ammni ayaa u sheegay Wakaalada Wararka Reuters in Cadeynta ku lug lahaanshiyaha Ciidamada Eriteriya ee dagaalka Itoobiya laga keenay xogo laga helay Sawiro ay qaadeen Dayax Gacmeedyada iyo Xogo laga helay Isgaadhsiin dhexda laga qabtey.
Hase ahaatee Wasiirka Arimaha Dibada ee Eritrea, Osman Saleh Mohammed oo ay la Xidhiidhay Reuters ayaa beeniyay iney ku lug lahaayeen dagaalka wuxuuna intaasi ku darey inuu warkaasi dacaayad yahay.
W/Q Shardiid Macalin