Marka aad maqasho madaxweynayaasha adduunka ugu xukunka dheer ee talada dalkooda jooga waxa maskaxdaada ku soo dhacaya badiba madaxda qaaradda Afrika oo lagu yaqaano in ay xukunka ku dhagsanaadaan illaa ay ka geeriyoonayaan ama qori caaradii lagaga tuurayo balse xubintan oo aan ku eegi doono madaxda adduunka wakhtigan qaarkood oo ah kuwa ugu xukunka dheer waxa ku jira dalal dhawr ah oo ku kala yaalla qaaradaha Asia iyo Yurub.
14-ka Hogaamiye ee wakhtigan talada dalkooda haya ee ugu xukunka dheer muddo xileedka kursiga ka fadhiyo iyo dalalka ay u kala xukumaan waxa ay kala yihiin:
- Teodoro Obiang Nguema Mbasogo- Madaxweynaha Equatorial Ginue waxa uu xukunka dalkiisa hayaa 39 sannadood
- Paul Biya, Madaxweynaha Cameroon waxa uu xukunka hayaa muddo 36 sannadood ah
- Hun Sen, Ra’iisal wasaaraha Kaamboodiya waxa uu xukunka dalkiisa hayaa 34 sannadood waana dal nidaam boqortooyo ah.
- Yuweeri Musaveni oo ah Madaxweynaha Uganda waxa uu xukunka hayaa 33 sannadood
- Aayatullah Cali Khamanaay, Hogaamiyaha dawladda Islaamiga ah ee Iiraan waxa uu xilka hayaa muddo dhan 29 sannadood.
- Cumar Xasan Al Bashiir, Suudaan, muddo dhan 29 sannadood.
- Idris Deby, Madaxweynaha waddanka Chad, 28 sannadood
- Isayas Afwerki, Madaxweynaha Eretariya, 27 sannadood.
- Imaam Cali Raxmaan, Tajikistan, 26 sannadood.
- Alexander Lukashenko, Belarusia, 24 sannadood
- Denis Sassou Nguesso, Jamhuuriyadda Congo- 21 sano
- Cabdulcasiis Botufliqa, Aljeeriya, Muddo 20 sano ah.
- Ismaaciil Cumar Geelle, Jabuuti, Muddo 20 sano ah.
- Paul Kagame, Rwanda, muddo dhan 19 sano.
