Kaftan Siyaasadeed UCID- Qalinkii Cabdirashiid Caaqil
Siyaasada waa lagu kufaaye, Kaa ha la ogaado
Gabaygan oo ka hadlaaya xaaladaha siyaasadeed ee Somaliland iyo duruufaha xisbigga UCID
Waxaana laga soo dheegay ama xayiray gabaygii caanka ahaa ee Ilaahay haw naxariistee Abwaan Ismaaciil Mire. Waxaana tiriyey Cabdirashiid Caaqil.
MADAXDA-UCID
Kulligood xisbiyadda Rabboow, qaybsha kimistiiye
Kursi madaxweyne kolay ku tahay ama, kaa wasiiradda
Qof kastoo kabtiya ama kalaha, ama kulmiye raaca
Nin weliba wixii loo katibay, waa la kulansiine
Xisbina inaanu soo korodhsanayn, kaa ha la ogaado
Ninkase xisbi dhan kaashsadee, kadin irmaan maala
In karuurka uu qubo horay, kaafka ugu tiille
Muuse keligay weeyiyo, anaa kiin (king) ah baa rogaye
Faysal maankiisu waa sidii, kuray carruureede
Kas xumaa hoddaye Kulmiye, way kala fogaayeene
Siyaasadda waa lagu kufaaye, kaa ha la ogaado
Kelidii ma noqon Jamaal hadduu, mooday kootaliye
Kumanyaal dad ah muu fileyn, Filim kartoonkiiye
Kadeed iyo ciqaab bay badeen, kaarigii UCIDe
Kaskiisba ma gelin Cali Guraa, Keebka kuu qabane
Siyaasadda waa lagu kufaaye, kaa ha la ogaado
Jamaal dhuurta kooraha markuu, kor ugu laalaayey
Faysal Dhurwaa dhay iyo karuur, kala macaanaaye
Misna kala qadhaadhaa dhunkaal, kulanki dirireede
Kur dhanxiira kiiyo leh oo, kala ka dhaamaaya
Ayeey kadabkii go’yoow dadkii, kala huleeleene
Kaysaha adduun malintuu Sabce, kula kalaamaayey
Kelmadduu Haruun lahaa baa, haatan kula taale
Korantiyo Gacaytaa dagaalkii, Kaalin baas galay’e
Ragow kibirka waa lagu kufaaye, kaa ha la ogaado
Anaa kulmiye u hadhi ayuu, Kaahin eersadaye
Keybalkii ina Aw Siciid hadaa, Loo kaltiriyaaye
Karaamo seegtii Jiir ayuu, kohay gadaashiiye
Kaarkuba ma joogeen hadduu, keeno xikmad badane
Darbuu Faysal keenay intuu, kariyey waabeeye
Kala tuure xeerkii intay anshax, kunana sheegeene
Badmaax baa kaboolaha ku daray, kooxahaas darane
Siyaasadaa waa lagu kufaaye, kaa hala ogaado
Mid koodhadh waaweyn sitoo, si isu kuusaaya
Oo kelmadiisu been tahoo, filim kartoonkaasa
Kun wareegto haduu soo saariyo, weedho kala kaana
Oo aanay kaadirkiyo bulshadu, kowba odhaneeynin
Kun jeer Faysaloo dhacay hadduu, weli kadleeynaayo
Somaliland bay ceeb ku tahay, inuu kor joogaaye
Walee kambalkiyo ardaagu, kelidii taagnane
Kuray booda leedada sidii, Kaaha iyo Xaawa
Haduu kuutinaayoo caqliga, kastar laga saaray
Siyaasadaa waa lagu kufaaye, kaa hala ogaado
Kumanaan dad ah buu Jamaal, keenay berigiiye
Kaakici Faysalkii doorasho, laguna kaalmeeye
Waxse kadabkii go’ay maalintuu, kaday raggiisiiye
Kabaalkiisii baa jabay markuu, kiishka buuxsadaye
Ragow kibirka waa lagu kufaaye, kaa ha la ogaado
Mid kuwaa ka dhigan baan arkoon, kimis u laabneyne
Inta uu kashbacay oo kibroo, beeno ku kalaamay
Yuu niman Kulmiyiyo colba leh, kaalintood gelaye
Ka shib dhaha Islaanow xisbigga, kii necbaa gedaye
